२०७७ माघ ११ आइतबार १२ : २२ : ४०

प्रहरी हवल्दार घुस ६ हजार रुपैयाँ लिएको अभियोगमा पक्राउ

२०७७ पौष १७ शुक्रबार
प्रहरी हवल्दार घुस ६ हजार रुपैयाँ लिएको अभियोगमा पक्राउ

१७ पुस, काठमाडौं । ईलाका प्रहरी कार्यालय हरिनगरा, सुनसरीमा कार्यरत प्रहरी हवल्दार भोला यादव घुस लिएको आरोपमा पक्राउ परेको छ ।

स्थानीय व्यापारी विनोद शाहसँग ६ हजार रुपैयाँ घुस लिएको आरोपमा यादवलाई अख्तियार दुरुपयोग अनुसन्धान आयोग इटहरीको टोलीले शुक्रबार पक्राउ गरेको हो ।

यादवले भारतबाट घरायसी सामान ल्याउन सहजीकरण गरिदिने प्रयोजनका लागि सेवाग्राहीसँग अतिरिक्त रकम माग गरिरहेको भन्‍ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय इटहरीले पक्राउ गरेको जनाएको छ ।