२०७७ माघ ११ आइतबार १२ : २२ : ४०

राष्ट्रपति र प्रधानमन्त्रीको दुई घण्टा भेटवार्ता

२०७७ मंसिर १८ बिहीबार
राष्ट्रपति र प्रधानमन्त्रीको दुई घण्टा भेटवार्ता

१८ मंसिर, काठमाडौं । मन्त्रिपरिषद बैठकअघि प्रधानमन्त्री केपी शर्मा ओलीले राष्ट्रपति विद्यादेवी भण्डारीसित करिब दुई घण्टा भेटवार्ता गरेका छन् ।

मन्त्रिपरिषद बैठक बस्नुअघि प्रधानमन्त्री ओली राष्ट्रपति निवास पुगेर फर्किएका हुन् ।

प्रधानमन्त्री ओली खाना खाने गरी शितल निवास पुगेका थिए । उनी दुई घण्टा बढी समय राष्ट्रपतिसित छलफल गरेर फर्किएको राष्ट्रपति कार्यालय स्रोतले बताएको छ ।

मन्त्रिपरिषद बैठकअघि भएको भेटलाई अर्थपूर्ण रुपमा हेरिएको छ । पार्टी विवाद उत्कर्षमा पुगिरहेका बेला भएको भेटपछि बस्ने मन्त्रिपरिषद बैठकले कुनै बोल्ड निर्णय गर्ने सम्भावना छ ।