२०७७ असार २२ सोमबार १२ : २२ : ४०
Banner Top Ads

लकडाउन अवधि साउन ७ गतेसम्म थप गर्ने मन्त्रिपरिषद्को निर्णय

२०७७ असार १५ सोमबार
लकडाउन अवधि साउन ७ गतेसम्म थप गर्ने मन्त्रिपरिषद्को निर्णय

१५ असार, काठमाडौं । सोमबार (आज) साँझ बसेको प्रधानमन्त्री सरकारी निवास बालुवाटरमा सम्पन्न मन्त्रिपरिषद् बैठकले हाल कायम रहेको लकडाउनको अवधि साउन ७ गतेसम्म थप गर्ने निर्णय गरेको छ ।

बैठकले अहिलेकै अवस्थाको लकडाउनलाई सो मितिसम्म निरन्तरता दिने निर्णय गरेको एक मन्त्रीले जानकारी दिए । कोरोना संक्रमणको दर बढ्दै गएकाले अहिलेलाई यही शैलीको लकडाउनलाई साउन ७ सम्म निरन्तरता दिने निर्णय भएको उनले बताए। ‘स्वास्थ्य सतर्कता अपनाउन जरुरत रहेकाले यथास्थितिको लकडाउनलाई लम्ब्याइएको हो’ उनले भने ।

सरकारले यसअघि असार १ देखि लागू हुनेगरी लकडाउनलाई खुकुलो बनाएको थियो । जसअनुसार निजी सवारीसाधन जोर विजोर प्रणालीबाट सञ्चालन भइरहेका छन् भने सार्वजनिक सवारीसाधन तथा उद्दारबाहेकका हवाई उडान बन्द छन्।

त्यस्तै सीमित बजार पसल सञ्चालन भए पनि भीडभाड हुने सिनेमा हल, सपिङ मल, शैलुन, पार्लर, विद्यालयजस्ता क्षेत्रहरु बन्द अवस्थामा छन् । कोरोनाका कारण गत चैत ११ गतेदेखि लागू हुने गरी लकडाउन घोषणा गरिएको हो।